عنوان الصفحة فرحان عندك ايفون ؟ محتوى الصفحة
وتضحك على مستخدمين اندرويد على اساس حماية وكذا ؟ اوكي ... لا تاخذ ايفونك وياك للحمام لان يمكن يصورك ويرسلهن وانت ما تدري !.
أي والله .... هذا ما صرح به فيليكس كروس المطور النمساوي والمهندس في شركة جوجل في مدونته الشخصيه (اول تعليق) كروس كدر يصمم تطبيق(فيديو بأول تعليق) ويرفعه لمتجر ابل يتيح اله التقاط صور ويسجل فيديوات ويبث مباشر لكامرتك الامامية والخلفية ويرسلها لموقعه الخاص دون علمك !. كروس يكول انه صمم هذا التطبيق فقط حتى يتجاوز حماية ابل ويحذر من ثغرة الخصوصية هذا الخطيره الشركة ردت ان نظامها أمن وتحفظت على باقي التفاصيل , كروس ينصح المستخدمين بان دائما تروح للاعدادت - الخصوصية - الكاميرا وتشوف شنو من تطبيقات غريبة تطلب الاذن ودائما شكد ما تكدر قلل من استخدام الاذونات للتطبيقات على الكاميرا. كروس يكول ان التطبيق مالته والهكرات يكدرون يصممون تطبيقاتهم تصورك وانت ما تحس لا ضوة الفلاش يشتغل ولا يطلع صوت اثناء الالتقاط لانك بنفسك تعطي الاذن للوصول للكاميرا واذن للاشعارات , كروس يكول انه نجح حتى بسحب معلومات عن التحقق ببصمة الوجه للمستخدمين. كروس يحذر من استخدام هذا التطبيقات لتصوير المستخدمين وهم بأوضاع مثيرة (احنة شعلينا هو يكول هيج) |